SALE! POLITICAL FIRECRACKERS 75% OFF!

Try some of out best-sellers: Duterte Firecracker, Quiboloy Firecracker, Cayetano Firecracker, and Mocha Firecracker!
75% off until December 30!

A QUICK GUIDE to some of the more popular firecrackers being sold in the Philippines. Buy at your own risk.

• • • • • •

Here’s the text version.

Duterte Firecracker

Ito ang pinakamapaminsalang paputok sa nakalipas na tatlong taon. Mabentang-mabenta pa rin sa mga Pinoy kahit napakarami nang namatay at nasugatan. Walang nakakaalam kung kailan matatauhan ang mga consumers sa perwisyong dulot nito.

Cayetano Firecracker

Maraming Pinoy ang nagreklamong palpak daw ang paputok na ito. Nagalit ang exclusive distributor nito at nagbantang kakasuhan ang mga “naninira.” Recently, tinanghal na Best Firecracker ang Cayetano firecracker. Ang nagbigay ng award ay ang mismong distributor nito.

Bonggo Firecracker

Kapag bibili ka ng Duterte Firecracker, may kasamang libreng paputok – ito ang Bonggo firecracker. Popular pero walang value kasi nga, giveaway lang.

Sotto Firecracker

Huwag mo nang sindihan ang paputok na ito kung ayaw mong masira ang araw mo. Kung anu-ano kasi ang lumalabas na sound na nakakabobo.

Leni Firecracker

Ang paputok na safe. Hindi siya gusto ng iba dahil mahina raw ang sabog. Matindi at walang tigil ang paninira rito ng ibang manufacturers para hindi tangkilikin ng consumers.

Mandarambong Firecracker

Na-ban na ito sa market pero magbabalik daw ngayong 2020 kaya maraming consumers ang nagagalit. Nananawagan silang i-boycott ang paputok na ito.

Panelo Firecracker

Makulay ang wrapper ng paputok na ito pero mabubuwisit ka lang sa nalilikha nitong sound. Takpan mo na lang ang tainga mo.

Bongbong Firecracker

Ginamit ang paputok na ito sa nakaraang Philippine International Pyromusical Competition. Hindi na-impress ang panel of judges. Natalo ang manufacturer pero dahil hindi nito matanggap ang pagkatalo, nagsampa ng protesta.

Imelda Firecracker

Maraming Filipino ang nabiktima ng paputok na ito. Noon ay nahinto na ang pagbebenta rito pero tagumpay na nakabalik at ngayon ay tinatangkilik na naman ng mga ignoranteng consumers.

Bato Firecracker

Sa start, maingay ang firecracker na ito pero habang nauubos ang sindi, may maririnig kang parang iyak sa dulo. Ito ang pumalit sa paputok na crying cow.

Cynthia Firecracker

Ang paputok na pangmayaman lang. Kung hindi n’yo kayang bumili ng Cynthia Firecracker, mag-watusi na lang kayo!

De Lima Firecracker

Iniutos ng gobyerno ang pag-ban sa paputok na ito kahit walang sapat na basehan. Pati ibang bansa ay nanawagan na ng pag-lift sa ban.

Faeldon Firecracker

Ilang beses nang na-ban sa market pero ilang ulit ding ibinalik. Malakas sa gobyerno ang manufacturer nito.

Enrile Firecracker

Kapag sinindihan, hindi mamatay-matay.

Tulfo Firecracker

Gustong-gusto ito ng masa. Kahit nakakasakit na ng ibang tao, mabenta pa rin. Last year alone, kumita ng 60 million pesos ang manufacturer nito.

Persida Firecracker

Ang paputok na naghahasik ng takot sa publiko.

Mocha Firecracker

Here’s a testimonial from a buyer: “Ang lakas po! Grabeng lakas. Hindi naman po masyadong malakas. Sakto lang po. Parang baril na mas malakas po.”

Mocha Firecracker 2

‘Wag n’yo nang bilhin. Malamang fake ‘yan.

Quiboloy Firecracker

Ang pinaka-weird na paputok. Tumitigil ang pagputok nito kapag sinabihan mong, “ISTAHP!”

FOR SALE: PINOY FIRECRACKERS

Noynoy Firecracker, Binay Firecracker, Duterte Firecracker, Grace Firecracker, Pia Wurtzbach Firecracker, and a lot more!

HERE’S A GUIDE to some of the more popular firecrackers being sold in the Philippines. Buy at your own risk.


Noynoy Firecracker
Sobrang mabenta ang paputok na ito nang unang ilabas sa market ngunit unti-unting inayawan ng publiko. Marami pa namang natitirang loyal buyers ngunit talagang malaki na ang ibinaba ng popularidad nito. May kabagalan kasi kung pumutok at hindi mo maramdaman ang sinseridad ng dulot nitong kasiyahan.

Binay Firecracker
Paborito sa mga probinsya. Hindi masyadong mabenta sa National Capital Region dahil alam ng mga taga-Metro Manila ang pinsalang kaya nitong idulot kapag sinindihan.

Grace Poe Firecracker
Ang firecracker na pinulot matapos ang putukan. Hindi sigurado ang pumulot kung puputok pa ito o hindi na. Huwag masyadong umasa dahil baka hindi na umubra, masasaktan ka lang. Pero try mo ring sindihan. Baka naman puputok pa. Let’s see.

Mar Firecracker
Kahit anong patalastas pa ang ipalabas tungkol sa firecracker na ito, hirap na hirap siyang ibenta ng manufacturer. Kapag hindi pa rin siya nabenta for 2016, baka tuluyan nang itigil ang pagbebenta rito.

Duterte Firecracker
Babala: Nakamamatay. Mabenta sa masa dahil malakas ang putok nito. Walang sinisino; lahat puwedeng talsikan ng pulbura: lalaki, babae, bata, matanda, o kahit Santo Papa ka pa.

Martin Diño Firecracker
Sorry, hindi pala ito firecracker. Pulbura lang pala. Nagkamali ng label ang manufacturer.

Miriam Firercacker
Ang paputok na pinakamabenta online.

Enrile Firecracker
Isang lumang brand ng paputok na inalis sa market noong 2014 dahil sa matinding pinsalang naidulot sa publiko. Ngunit dahil sa husay ng advertising firm na kinuha ng manufacturers nito, matagumpay itong nakabalik sa merkado. Babala: may kakayahan pa rin itong magdulot ng pinsala. Maging alerto.

Jun Abaya Firecracker
Brutally honest ang nakasulat sa pakete ng paputok na ito: “Nakasusugat. Pero hindi fatal. Bili na!”

Bong and Jinggoy Firecrackers
Hindi na available sa publiko ang dalawang uri ng paputok na ito. Iniutos na rin ang pag-aalis sa market dahil sa dulot nilang perwisyo. However, umaasa ang manufacturers ng mga paputok na ito na muli silang maibebenta kapag nagbago ng policy ang susunod na administrasyon. [Huwag naman sana.]

Militanteng Firecracker
May iba’t ibang tunog na maririnig kapag sinindihan mo ang paputok na ito. Pwede kang pumili sa tatlong sounds na ito: (1) Tutulan! (2) Ibasura! at (3) Ibagsak! Delikado ito lalo na kung ang magsisindi ay Amerikano.

Nancy Binay Firecracker
Hanggang ngayon, marami pa rin ang nagtataka kung paano napunta sa market ang paputok na ito. Nakisakay kasi ang manufacturer nito sa popularidad ng isa pang brand. Kapag bumili ka ng isang Binay Firecracker, isang Nancy Firecracker ang free.

Francis Tolentino Firecracker
Ang nagsasayaw na firecracker. Ngunit nang makasakit, inilaglag siya ng sariling manufacturer. Pamilya at malalapit na kaibigan na lang ang nagma-market sa kanya.

Alma Moreno Firecracker
Nag-a-aspire na makilala bilang reliable na brand ng paputok. Ngunit nang sindihan, wala palang kakwenta-kwenta. Walang spark, walang sound, puro usok.

Leni Robredo Firecracker
Isa sa pinakabagong brands ng paputok. Hindi pa masyadong kilala sa mga probinsya kaya mahina pa ang benta.

Marcos Firecracker
Ito naman ang isa sa pinakalumang brands. Marami nang nasugatan at namatay dahil sa firecracker na ito ngunit hanggang ngayon, ayaw pa ring mag-apologize ng manufacturer. Tuloy ang pagkamal ng kita.

INC Firecracker
Wala kang choice. Whether you like it or not, required kang bumili ng firecracker na ito.

Pia Wurtzbach Firecracker
Sa unang minuto matapos sindihan, wala pa itong reaksyon, iisipin mong palyado. After a while though, magsasabog na ito ng makulay at maliwanag na spark sa buong universe.

#AlDub Firecracker
Biglang sulpot sa market. Kinagat ng publiko. Inilampaso ang pinakamalakas na rival brand.

Kris Aquino Firecracker
Sinindihan mo siya, sumabog, nasira, pero natalsikan ka at nasugatan. Quits lang! Aha-ha-ha! Love! Love! Love!
———————————————————————————————————————————————–
“Tomorrow, is the first blank page of a 365 page book. Write a good one.”
~Brad Paisley

Happy New Year!

Sound Bites
“One always knew that with her, the truth was the benchmark of a journalist’s efforts; and that in all that she did, there was no higher cause than the country’s welfare and that of our people.”
~President Aquino on Inquirer Editor-in-Chief Letty Jimenez-Magsanoc who passed away on Christmas Eve

I am on Twitter: @HecklerForever.