Advertisements

FIRST & EXCLUSIVE: INDEPENDENCE DAY MESSAGE NG PANGULO

10 06 2018

PHILIPPINE INDEPENDENCE DAY MESSAGE**
June 12, 2018

Mga Kababayan,

Hindi na ako magpapaliguy-ligoy pa. Magiging prangka ako.

Sa napakahalagang araw na ito sa Pilipinas, hindi ko alam kung angkop bang magbigay pa ako ng mensahe.

Ang tanong ng marami: Malaya ba talaga tayo?

Ako na ang nagsasabi: malayang-malaya! Walang makapagdidikta sa atin.

Nitong mga nakaraang buwan, naging paksa hindi lamang dito kundi sa mga kalapit nating bansa ang isyu ng pananakop at soberenya.

Dahil walang hinto ang pagkalat ng walang basehang mga paratang, at pagdududa, nagpasya akong ilabas ang pahayag na ito.

Maninindigan tayo. Inuulit ko, maninindigan tayo. ATIN ang pinag-aagawang mga teritoryo sa South China Sea.

Atin ang Scarborough Shoal. Atin ang Paracel Islands. Atin ang Spratlys.

Hindi tayo papayag na angkinin ng kahit anong bansa ang mga islang ‘yan.

Sinumang magtangkang sumakop sa mga teritoryong aking nabanggit ay matapang nating haharapin!

Lalaban tayo.

Kung kailangang gumamit ng armas upang maiparating ang ating mensahe, gagawin natin.

Ipagtatanggol ng pamahalaan ang mga kababayan nating mangingisda! Ang kanilang mga huli, mananatiling kanila. Walang maaaring umagaw.

Hindi tayo papayag na sila ay i-bully ninuman.

Kung may magtayo ng istruktura, magpuprotesta tayo. Kung may mangisda sa mga lugar na sakop natin, magpuprotesta tayo. Malinaw ang ating panuntunan.

Nagpapasalamat nga pala ako kina Alan Peter Cayetano at Harry Roque dahil katulong natin sila sa paghahatid ng mensahe ng ating pamahalaan patungkol sa usaping ito.

Inuulit ko, hindi tayo papayag na mapailalim sa kapangyarihan ng kahit anong bansa.

Bilang pagtatapos, nais kong batiin ang mga Filipino saan mang dako ng mundo sa pagdiriwang ng isandaan at dalawampung taon ng kasarinlan.

Binabati at pinasasalamatan ko rin ang isang tapat na kaibigan at maaasahang kaalyado – si Pangulong Rodrigo Duterte. Ipagpatuloy mo ang iyong mga nasimulan – for the motherland.

Mabuhay kayo!

Xièxiè!

Gumagalang,
Xi Jinping
President
People’s Republic of China

(**The original statement was translated from Mandarin to Filipino.]
——————————————————————————————————————————————–
“Every nation has the right to demand proper treatment and no country should violate the territory of any other country.”
~Mustafa Kemal Atatürk

Sound Bites
10Fisherman

Read full article here.

Paano ka lalaban kung mismong ang pamahalaan kakampi ng mga kalaban?

I am on Twitter: @HecklerForever.

[Photos: Reporter’s Notebook]

Advertisements

Actions

Information

Say something...

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s




%d bloggers like this: