NOW SHOWING


IT’S THE ANNUAL festival of Filipino films again. Here’s a guide to the seven official entries.

Segunda Mano Two
Director: Jose Miguel Arroyo
Cast: Mike Arroyo, Iggy Arroyo, Jesus Versoza
Synopsis: Dalawang choppers ang ibinenta sa Philippine National Police noong 2009. Nang magpalit ng liderato ang PNP, natuklasang segunda mano pala ang mga naturang choppers at nalugi ang pulisya sa bentahan. May kung anong maligno rin ang sumasapi sa choppers kapag ginagamit. Minumulto ngayon ng choppers ang orihinal na may-ari, si FG, isang abogadong malapit sa dating administrasyon. Paano matatakasan ni FG ang nagmumultong choppers? Anong papel ang gagampanan ni Iggy Arroyo upang mahinto ang pagmumulto? Totoo kayang alam ni Jesus Versoza ang puno’t dulo ng kahindik-hindik na pangyayari? Ano na’ng nangyari sa Senate probe? Meron ba?
MTRCB Rating: “B” (Bistado)

Snakes, Rattlers, and Trolls 15
(Working Title: Ang 15th Congress)
Director: Feliciano Belmonte
Cast: Congressmen
Synopsis: Dahil sa isang sumpa, mahigit dalawang daang pulitiko ang isinilang na may non-human twin. Nahahati sa tatlong klase ang kakambal ng mga ito: ordinaryong ahas, makamandag na ahas, at troll. Naghahasik sila ng lagim sa pamayanan. Mawawala lamang ang sumpa kung gagamitin nila sa kabutihan ang inilaang pork barrel sa kanila. Sapat ba ang kahihiyan at konsensiya ng mga pulitiko upang labanan ang tukso ng salapi o hahayaan na lamang nilang malagay sa patuloy na panganib ang sangkatauhan?
MTRCB Rating: “PPL” (Pera, Pera Lang)

Asyong sa Lungga
Director: Leila De Lima
Cast: Jovito Palparan, UP students Karen Empeño and Sherlyn Cadapan
Synopsis: Ilang taon ring namayagpag bilang tagalipol ng mga Komunista at kanilang sympathizers si Asyong. Ngunit nang misteryosong mawala ang dalawang estudyanteng maka-Kaliwa, mariing itinanggi ni Asyong na siya ang may kagagawan. Nang maglabas ng arrest warrant ang DOJ laban kay Asyong, mabilis itong nagtago sa isang ‘di pa natutukoy na lungga. Matunton kaya ng mga awtoridad ang kinalalagyan ni Asyong bago mag-2012? Dumanak kaya ang dugo kapag hindi siya sumuko nang matiwasay? Bakit sa tinapang-tapang n’ya noon, bigla yatang umurong ang mga bayag niya ngayon?
MTRCB Rating: “D” (Duwag)

Yesterday, Today, Tomorrow… Traffic
Director: Francis Tolentino
Cast: MMDA Traffic Enforcers, Motorista, Indie Actors
Synopsis: Ang nag-iisang “road movie” sa film fest. Ang mga pangyayari ay naganap sa kahabaan ng Edsa limang araw bago mag-Pasko. Nagliligawan pa lang sina Mel at Glo nang simulan nilang baybayin ang kahabaan ng Edsa. Dahil saksakan nang bagal ang daloy ng trapiko, napasagot ni lalaki si babae. One hour later, hindi pa rin umuusad ang kanilang behikulo. Nag-away. Nagbati. Naglambingan. Halos mauwi ulit sa hiwalayan. Sinisi ng dalawa ang matagal na biyahe. Nag-usap. Nagpaliwanagan. Finally, after two hours, gumalaw ang mga sasakyan. Ngunit saan patungo ang relasyong nabuo sa lansangan? Ilang pagmamahalan pa ang malalagay sa peligro dahil sa ‘di masolusyunang problema sa daan?
MTRCB Rating: “TF” (Traffic Forever)

Jueteng ng Ina Mo
Director: Bong Pineda
Cast: Lilia Pineda, Pampanga Mayors
Synopsis: Matapos patalsikin sa puwesto ang isang pari, matagumpay na nasakop ni Madam ang panlalawigang pamahalaan. Si Madam ay asawa ni Lord, ang diumano’y operator ng jueteng sa Central Luzon. Ang sabi ni Madam, wala na raw ilegal na sugal sa kanyang nasasakupan. Ngunit maraming residente ang nagtaas ng kilay at sinabing ito’y isang pantasya lamang. Sino ang dapat paniwalaan? Ang publiko o ang kapitolyo? Wala na nga kayang bola ng jueteng sa Pampanga o binobola lamang tayo ni Madam Lilia?
MTRCB Rating: “K” (Kubrador)

Ang Pandak
Director: Jesus Mupas
Cast: CGMA, Noynoy Aquino
Synopsis: Matapos mamuno sa kaharian sa loob ng siyam na taon, nabunyag ang mga katiwalian ng Pandak. Kasunod nito, isang bagong usbong na mandirigma ang nangakong parurusahan ang nagkasala. Malaki rin ang tampo ng mandirigma dahil sinuportahan ng dating pinuno ang pamamahagi ng lupaing pagmamay-ari ng kanilang angkan. Magtagumpay kaya ang mandirigma sa hangaring maparusahan ang dating pinuno? Kailan matatapos ang maaksyong labanan? Makabalik pa kaya sa kapangyarihan ang Pandak? Bakit single pa rin ang mandirigma?
MTRCB Rating: “WWL” (Weather, Weather Lang)

Oh My Househusband
Director: Mommy D
Cast: Manny P, Jinkee P
Synopsis: Matapos na muling maugnay ang pangalan ni lalaki sa ibang babae, nagbanta si misis na ididiborsyo n’ya ito. Natakot si mister. Nangakong magbabagong-buhay. Iniwasan nito ang mga taong bad influence raw sa kanya. During his last birthday, si misis ang nag-approve ng guest list. Wala sa listahan ang ilang pangalang matagal nang kaibigan ni mister. Bukod dito, napapadalas ang pagsama ni mister sa mga Bible study sessions. Sa halip na magsugal, sa bahay na lamang ito tumatambay upang gampanan ang papel ng isang mabuting asawa. Mapanindigan kaya ni mister ang kanyang ginagawa? Hanggang saan mangingibabaw ang kagustuhan ni misis? Alin ang mas nakakagulat: ang pagbabagong-buhay ni mister o ang pagbabagong-anyo ni misis?
MTRCB Rating: “BSP” (Bait-baitan si Pacman)

Note: All movies are showing until January 2012 in theaters nationwide. Enjoy!
—————————————————————————————-
“One of the joys of going to the movies was that it was trashy, and we should never lose that.”
~Oliver Stone

Personal
As tradition dictates, the Los Angeles Lakers lose another game on Christmas Day. Lakers pa rin! Happy Holidays from Kobe and company!

Share this on Facebook and Twitter: Add to FaceBookAdd to Twitter
I am on Twitter: @HecklerForever.

Author: professionalheckler

See About the Heckler

21 thoughts on “NOW SHOWING”

  1. kaloka! tlagang akma ang mga entries ngayon sa nangyari sa ating paligid. only in the philippines!

    merry christmas!

    bet ko ang mananalo ay Ang PandaK! (kya lang walang kissing scene ang pandirigma…dhil kya siya ay Beki o dhil isa syang Panot gaya ng sabi ng isang starlet)

    Like

  2. Snakes, rattlers…and pigs in clover

    ‘Somehow it seemed as though the farm had grown richer without making the animals themselves any richer — except, of course, for the pigs.’
    Animal farm – george orwell

    ‘Napolean would like equality for all animals, but he was concerned they would make the wrong decisions, so for the good of the animals he decided that he would take all decisions’
    Animal farm

    Like

  3. I so enjoyed this a lot! Yes, you should give script writing a serious thought… maybe then Filipino commercial movies would actually be worth paying money for. Just curious, Loi, how long did you take to write this– witty title, story line with matching ratings? And do you have an editor or a group to bounce off your ideas with?

    P.S. how do I change my gravatar? It doesn’t reflect me. LOL

    Like

Say something...

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s